Í hesum triðja og higartil longsta stuttsøgusavninum hjá rithøvundinum eru 15 stuttsøgur.

Summar snúgva seg um evni, sum eru frammi í løtuni, so sum tøkni og vitlíki, meðan aðrar eru um meira algild evni, so sum parlag, harðskap og kyn. Einki er tó sum tað tykist at vera. Sum lesari verður tú konstant snýttur. Av sansunum, fordómunum, fortreytunum. Fólk, støð, lutir, sjálvt hugtøk broyta skap og fáa annan dám, bara tú flytur teg eitt vet. Sansaliga eins væl og sinnisliga.

Søgurnar lata upp dyr inn í fatanarheimar, sum tú í flestu førum kennir aftur. Men ikki altíð. Lykilin kann vera at finna í evnunum, sum verða tikin upp, men hann kann eisini vera at finna í mátanum, søgan verður søgd. Kanska báðum.

 

 

---

 

Um bókina:

Stuttsøgusavn, 195 síður

Sprotin 2026

Útgávudagur: 24 september 2026