Oddvør Johansen heiðurslimur

Rithøvundafelag Føroya heiðraði í kvøld tveimum rithøvundum fyri drúgt og dygt arbeiði fyri føroyskum bókmentum. Annar teirra er Oddvør Johansen, sum fekk heiðursbræv við hesum orðum:

Heiðursbræv

Síðan friðsæli urguleikarin á sinni trein fram sum høvundur, hevur hon ríkað føroyskar bókmentir við einari rødd, sum bæði var stillfør og treisk og breyt upp úr nýggjum.

Oddvør gav føroyskum bókmentum sín hjartasláttur, soleiðis sum hon spann søgur um kvinnur, familju og gav oyggjunum sál. Orð hennara eru meiri enn bara blekk á pappírinum – tey eru afturljóð av mótstøðu móti siðvenjututlinum. Ein frígerandi ljómur við denti á gerandisligt lív og huglag.

Rithøvundafelag Føroya vil, við at nevna Oddvør Johansen til heiðurslim, heiðra einari undangongukvinnu, sum málaði summarsins himmal og lat upp hurðar inn í dreymarnar hjá ættarliðum, ið eru vaksin upp við hennara skaldaverki.