Bókmentagonga Ólavsøkudag

Aftur í ár skipa Vencil og Rithøvundafelag Føroya fyri upplestri Ólavsøkudag, 29. juli frá klokkan 15.00 til 17.00.

Upplesturin byrjar í Boysensgarði og endar við húsini hjá Hans Andriasi Djurhuus, har Rithøvundafelagið heldur til.

Talan er um ein gonguupplestur, har nakrir av fremstu rithøvundum í Føroyum fara at lesa upp úr verkum sínum. Tveir høvundar lesa upp á hvørjum stað, teir lesa í 10 minuttir hvør, og so brúka vit 10 minuttir til gák og prát á vegnum til næsta upplestrarstaðið.

Skráin fyri upplestrargonguna er henda:

15.00: Boysensgarður: Beinir Bergsson og Rannvá Haldisdóttir Glerfoss

15.30: Gamli kirkjugarður undir Svínaryggi: Oddfríður Marni Rasmussen og Rakel Helmsdal

16.00: Viðarlundin –  við standmyndina av Tariru: Marjun Syderbø Kjelnæs og Jóanes Nielsen

16.30: Garðurin hjá Hans Andreas Djurhuus: Kim Simonsen og Vónbjørt Vang

Vónandi møta nógv í góðum ólavsøkuskaldskaparhýri.