Bókadagar26: Yrkingar í Blábar

7.11.2026 | Bókadagar, Tíðindi, Tiltøk, Yrkingar

BÓKADAGAR 2026

 

Limir í Rithøvundafelagnum

lesa yrkingar

 
Bókadagar 2026 nærkast við stórum fetum. Tann 14. og 15. november vera ein ørgrynna av bókmantatiltøkum í Norðurlandahúsinum og vónandi hava øll longu rudda kalendaran til hetta vikuskiftið.
 
Rithøvundafelag Føroya hevur í nógv ár, ja, heilt síðani upprunaliga Bókadagin lagt seg eftir at smyrja lunnarnar fram móti bókahøgtíðini við einum poesikvøld. Seinastu árini hevur hetta verið hildið í Blábar og so verður eisini í ár.
 

Hóskvøldið 12. november kl. 20 fara hesir høvundar at lesa yrkingar:

  • Kim Simonsen
  • Oddfríður M. Rasmussen
  • Guðrið Poulsen
  • Birgir Kruse
  • Rakel Helmsdal
  • Carl Johan Jensen
 
Takið góðalag við tykkum og komið í Blábar hóskvøldið at fagna bókmentunum saman við okkum.