EBBUvirðislønin handað á Bókadøgum

5.11.2025 | Bókadagar, Tíðindi

📚 BÓKADAGAR 2025 📚

Rithøvundafelagið heiðrar tríggjar limir

Fríggjakvøldið 14. november fer Rithøvundafelagið at handa árligu EBBU-viðrislønina.
Hetta verður í Norðurlandahúsinum á árligu Bókadøgunum beint eftir setanina av Bókadøgunum kl. 19.
 
EBBU-virðislønin verður latin ungum rithøvundi, ið vísir serlig evni. Rithøvundurin Ebba Hentze lat Rithøvundafelagnum part av sínum arvi til virðisløn at heiðra lovandi ungum høvundum.
Síðani fer Rithøvundafelagið at tilnevna tveir heiðurslimir, ið hava gjørt eitt megnar arbeiði fyri bókmentir og felagið. Í hesum sambandi verða bøkur hjá høvundunum vístar fram.