Sonni Jacobsen (1959) byrjaði sum ungur í 1974 at sigla við farmaskip í nøkur ár, seinni frá 1981 við fiskiskipum. Legðist upp 1989. Arbeitt heima síðan. Byrjaði í 1990 at skriva bygdasøgu fyri Sørvág, tvær bøkur, komu út í 1995 og 1996. Vildi so royna nakað annað og skrivaði skaldsøgur í nøkur ár upp til fyrst í nullunum. Harímillum bøkurnar vóru tær einastu føroysku metbøkurnar í 2000 og 2004 (umbiðin uppgáva). Fór so at arbeiða við kommunusøgu fyri Vágar, sum fyrst var samstarv við Sørvágs kommunu og síðan samstarv við Vága kommunu. Sum higartil er endað við kommunusøgu fyri Sørvág 4 bind og fyri Miðvág 3 bind. Søgan um Sandavágs kommunu 3 bind er liðug og kemur út í við endan av 2026.