Ritsalon um skattaviðurskifti við upplestri

Altjóða bókadagin, 23. apríl, skipar Rithøvundafelag Føroya fyri almennum tiltaki í Gallarí Havnará.

Tvey starvsfólk frá TAKS koma at ráðgeva og greiða frá ymiskum skattaviðurskiftum hjá listafólkum.

Í Rithøvundafelagnum duga vit at taka tað søta við tí salta, tí er eisini ein lættari partur á hesi ritsalonini: upplestur, har Svanna Jákupsdóttir og Oddfríður Marni Rasmussen fara at lesa upp.

Tiltakið er alment og byrjar klokkan 19:00 tann 23. apríl í Gallarí Havnará.